Ve-la ciudá dendi riba
me jezo sintime parti y nu observáor.
Igual que l’investigáor créi que tien delanti un objetu de que alejase, y se esmana ena tiuría pa acabar por perdelo u alcontralo de golpi. Semos tóxs sujetos, qué mos creímos.
Prestaríame describir lu que vi l’otru dia. Peru nu soi pa ellu.
Aparái de dicimos lo mesmu.
Lo mesmu de siempri.
Peru conas manos frías,
de nievi fríu, de jumu ena boca.
D’ojos que amiran la genti que pasa.
Hole.
Y subir la cuesta pindia pa allegar a la casa,
o al treviés l’aparcaeru acercame poca pocu,
cumu buscando’l calor n’isti duru hibiernu.
Cumu buscando daqui.
É-la vida que enjamás viviremos,
ensembli al otru.
Amiro’l pasáu cumu si golviera,
peru asperas pacienti nel tu mundu nuéu,
quiciás quisieras saber daqui y nu ulvidate,
peru nu tan luéu.
Se mos ve a laducu, polo menos ena jotu, peru deseparáxs vivimos, l’unu escontra l’otru.
Ez dakit zeintzuk dira zure ametsak,
eta ez dut ulertzen zure hizkuntza,
eta hemen sentitzen dut atzerritarra bezala.
Baina zuekin, nire herrian ba nago,
nire auzoan ta nire kalean sentitzen dut.
Ikusten dugu gure kantauri itsasoa,
hau da gurea.
Ez dut euskaraz hitz egiten oso ondo, baina esan behar dut gauzak asko.
Y las cosas las diz unu cumu puéi, cumu sabi. Peru las diz.
Son las sus miráas duras cumu amayuelas,
cumu la garma,
morios de piedra.
Muertos que llevan
y que nunca aparan
enqui nós queramos, de llorar las sus penas.
Allega la tarduca y campanas suenan,
cumu puñaláas,
bieldos y cadenas.
Lucis de farolas,
temblíos d’aceras,
temi el Dios del cielu pola muestra era.
Éramos nós solos pa sintir vergüenza
debaju l’arca
jambri de regüelta.
Odiu e inorancia,
hestorias y liendas,
y naidi tien claru que pasa ena tierra.
Jue mirar una jotu antigua
y sintí-la murria cumu un rayu
d’electricidá que mos alampa por drentu.
Otru relampaguíu n’esta vida
que nu es más que nochi escura
y fríu y augua que cuerrin ensin distinu.
Val dicir que la electricidá é-la basi las muestras vivencias
y quiciás ensin ella nu sería enjamás pa sintite.
Peru nel interior ya solu teno sabli y piedras,
del duru caminu la muestra condena diaria.
Ya lu sabis tú bien, qué vo a dicite.
Siéntite argullosu, mar cantábricu,
de la dinidá las indinas,
de la mogura los débiles.
De quien desafía al contextu
y nu li apastraja’l presenti,
y nu li amira ni la hestoria,
ni Dios, ni los suyos, ni naidi.
Quien nu tien más pasáu
que una memoria coleutiva que a cáa güelta esmánase,
ni más identidá que una alucha que nu allega.
